مرنے کے بعد سچ

دنیا کے اکلوتے صادق و امین کے فرمان کا مفہوم ہے   

مومن بزدل تو ہو سکتا ہے مگر جھوٹا نہیں 

عرب کہتے ہیں جھوٹا ٓدمی بزدل ہوتا ہے 

سابقہ چیف جسٹس ثاقب نثار نے  عادل شاہ زیب سے کہا عمران خان سے کوئی رابطہ نہیں ہے اورزاہد گشکوری کو بتایا عمران خان سے رابطہ ہے۔ 

معروف قانون دان نے حامد خان اپنی کتاب میں لکھا ہے ’بطور جج جسٹس منیر کی قابلیت اور علمی حیثیت شک و شبہے سے بالا ہے لیکن کاش ان کے ارادے بھی نیک 

ہوتے

ارادوں کے بارے میں 

مشرف نے کہا تھا ہمارے ارادوں پر شک نہ کرو  مگرعوام نے دیکھا کہ اس نے بھی پی سی او پر دستخط نہ کرنے والے سو سے زیادہ ججوں کو نظر بند کر دیا تھا۔ اس کے بعد عوام ارادے  نہیں عمل دیکھتی ہے اور ثاقب نثار کا شیخ رشید کے ساتھ ملکر انتخابی مہم چلانا اور ڈاکٹر سعید اختر جیسے پرعزم اور با عزت کوانسان کو اپنی عدالت میں بلا کر تلخ لہجے اور گھٹیا  الفاظ سے مخاطب کرنا عوام شائد طویل مدت تک بھول نہ پائے۔ 

میں ٓپ کو بتاتا ہوں چھوٹے کردار والے بڑے عہدوں پر آتے کیسے ہیں۔ پاکستان کے 

پہلے چیف جسٹس سر عبد الرشید صاحب کی ڑیٹائرمنت پر 

 پاکستان کا چیف جسٹس بننے کی باری ابو صالح محمد اکرم کی تھی جو ڈھاکہ ہائی کورٹ کے چیف جسٹس تھے ۔مگر وہ بنگالی تھا ایک سوچی سمجھی رائے کے بعد گورنر جنرل غلام محمد نے کہا کہ جسٹس سر عبدالرشید کی ریٹائرمنٹ کے بعد حکومت ایک برطانوی قانون دان کو پاکستان کا چیف جسٹس بنانے کا ارادہ رکھتی ہے کیونکہ پاکستان کی بیورو کریسی سمیت عدلیہ جسٹس اکرم کوبطور چیف جسٹس قبول نہیں کرے گی

قائد اعظم کی مسلم لیگ 1906 میں بنگالیوں کے گھر بنی تھی ۔ بنگالی جسٹس اکرم سمجھ دار تھا ۔ چاول کو چاول کہتا تھا اورسیاسی مچھلی کو پیچانتا تھا  تھا ۔ اس نے کہا ہم نے سیاسی اور خونی قربانیوں کے بعد پاکستان بنایا ہے اور اب کسی برطانوی کو چیف جسٹس بنایا جائے ۔یہ قبول نہیں ہے  اس نے خود کو اس شرط پر قربان کر دیا کہ  برطانوی کی بجائے  پاکستانی کو چیف چیف جسٹس بنایا جائے۔ اندھے کو دو آنکھیں مل گئی اور گورنر جنرل نے جسٹس منیر کو چار ججوں کو بائی پاس کر کے پاکستان کا چیف جسٹس مقرر کر دیا۔ ہم لوگ دوسرے کا احسان زیادہ دیر نہیں  

اٹھاتے

1954 

میں تحلیل شدہ اسمبلی کی بحالی سے انکار کر کے جسٹس منیر نے غلام ؐحمد کااحسان اتار دیا 

پاکستانی عدلیہ  میں قانونی تواتر کی بجائے زمینی حقائق کو مد نظر رکھ کر فیصلے کیے جاتے ہیں۔ ان حقائق پر انفرادی جذبات و تعصبات اور خواہشات حاوی ہوتے دکھائی دیتے ہیں۔نا دیدہ قوتوں کو بھی عدالتی فیصلوں پر اثر انداز ہوتا بھی محسوس کیا جاسکتا ہے۔جسٹس شوکت عزیز صدیقی کی گواہی میرا خیال ہے ابھی بھولی نہیں ہو گی۔

یہ زمینی حقائق ہی تھے جب جنرل ضیاء نے قانوں کی مدد چاہی تو چیف جسٹس انوارالحق کی جگہ جسٹس یعقوب علی کو چیفب بنانے نیت ہی کی تھی کہ   جسٹس انوار نے رکوع میں جا کر مارشل لاء  کو رستہ  دیا اور سجدے میں گر کر جنرل کو آئین میں ترمیم کا حق بھی دے دیا۔

عدلیہ اور عسکری اداروں میں ملی بھگت اس وقت دیکھی  گئی جب  جج محمد بشیر کی عدالت سے ایک فوجی برآمد ہوا  اور جسٹس شوکت صدیقی نے پنڈی بار میں اس کی گواہی دی۔

اگر عدالتوں میں فیصلے قانونی تواتر کی بجائے زمینی حقائق کو مد نظر رکھ کر کیے جاتے ہیں تو تسلیم کرنا ہو گا کہ زمینی حقائق کا تغیر پذیر ہونا وقت کا مرہون منت ہوتا ہے۔ موجودہ چیف جسٹس نے حلف تو آئین کے دفاع کا اٹھایا ہوا ہے مگر ظلم دیکھیں وہ اونچی میں دھاڑ کر کہتے ہیں ہم نے فیصلے ضمیر کے مطابق کرنے ہیں ۔ ایسے حالات میں جہاں انصاف ضرورت اور ضمیر کے مطابق ہوں

وہاں فرق صرف اتنا ہی پڑے گا کہ مولوی مشتاق ریٹائر منٹ کے بعد زندگی میں سچ بولتا ہے مگر اب موت کے بعد سچ کا انتظار کرنے کا کہا جا رہاہے ۔

جنات کی اقسام

 

جنات کا قرآن میں ذکر:

 

بات یہ ہے کہ چند انسان بعض جنات سے پناه طلب کیا کرتے تھے جس سے جنات اپنی سرکشی میں اور بڑھ گئے۔

سورة الجن، آيت:6

 

:ابن کثیر لکھتے ہیں

جنات کے زیادہ بہکنے کا سبب یہ ہوا کہ وہ دیکھتے تھے کہ انسان جب کبھی کسی جنگل یا ویرانے میں جاتے ہیں تو جنات کی پناہ طلب کیا کرتے ہیں، جیسے کہ جاہلیت کے زمانہ کے عرب کی عادت تھی کہ جب کبھی کسی پڑاؤ پر اترتے تو کہتے کہ اس جنگل کے بڑے جن کی پناہ میں ہم آتے ہیں اور سمجھتے تھے کہ ایسا کہہ لینے کے بعد تمام جنات کے شر سے ہم محفوظ ہو جاتے ہیں جس طرح شہر میں جاتے تو وہاں کے بڑے رئیس کی پناہ لے لیتے تاکہ شہر کے اور دشمن لوگ انہیں ایذاء نہ پہنچائیں۔

 

جنات ایسی مخلوق ہے جو آگ کے شعلوں سے پیدا کی گئی ہے۔ یہ مخلوق علم و ادراک، حق و باطل میں تمیز کرنے اور منطق واستدلال کرنے کی صلاحیت رکھتی ہے

بالکل ایسے ہی جیسے انسانوں میں صاؒلح اوربد ہوتے ہی

جنوں کے درمیان بعض طاقتور ہوتے ہیں، جیسا کہ طاقتور لوگ انسانوں کے درمیان بھی ہوتے ہیں۔ انسان دوسروں کے کام آتے ہیں اور نرم دل ہوتے ہیں اسی طرح جنات میں بھی نرم دل اور سخت دل بھی ہوتے ہیں ۔ شیطنت جنات کی صفت نہیں بلکہ ایک جبلت ہے جو انسانوں میں اور جنات میں بھی ہوتی ہے ۔ گو بد بخت  عزازیل جن ہی ہے مگر اس کے عمل کی وجہ سے جنات کی بطور مخلوق مذمت نہیں کی گئی بلکہ جنات پیغمبروں کے مدد گار رہے ہیں ۔ قرآن شریف میں ہے : 
جو کچھ سلیمان چاہتے وه جنات تیار کردیتے مثلا قلعے اور مجسمے اور حوضوں کے برابر لگن اور چولہوں پر جمی ہوئی مضبوط دیگیں ، اے آل داؤد اس کے شکریہ میں نیک عمل کرو ، میرے بندوں میں سے شکرگزار بندے کم ہی ہوتے ہیں۔ (سورہ سنا، آیت 13)

جنات کئی قسم کے ہوتے ہیں ۔ علامہ سلیمان ندوی نے لکھا ہے

1۔ جواجنہ وہ جن ہوتے ہیں جو ویرانوں میں رہتے ہیں ۔ ان کے علاقے مین جانے والے مسافروں کو اپنی صورتین بدل بدل کر خوف زدہ کرتے ہیں ۔

2۔ ایسے جنات جو انسانوں کی آبادیوں مین رہتے ہیں ان کو عامر کہا جاتا ہے

3۔ جنات کی وہ شریر قسم جو بچوں کو ڈراتے ہیں ان کا نام روح ہے

4۔  جنات کی انسان دشمن اور شریر قسم کو شیطان کہا جاتا ہے

5۔ شیطان سے بھی شریر اور قسم کو عفریت کہا جاتا ہے۔

عفریت کی قسم سے جنات تھے جو حضرت علی بن ابی طالب کے بھائی ظالب کو اتھا کر لے گئے تھا جو کبھی واپس آئے نہ ان کا کوئی سراغ ہی ملا۔۔

کتابوں میں درج ہے کہ انسان جنات کو مار بھی ڈالتے ہیں طہوی نامی ایک عامل نے بھوت کو مار ڈالا تھا ۔ موجودہ دور میں جنات کے عامل  جنوں کو انفرادی طور پر یا خاندانوں کی صورت میں جلا دینے کا دعوی کرتے ہیں ۔ مگر عاملوں کا یہ دعوی علمی طور پر ماہرین ماننے سے انکاری ہیں ۔ البتہ انسانوں کے مونث جنات جن کو سعلاۃ کہا جاتا ہے سے شادی کی مثالیں موجود ہیں ۔ ایک عرب عامل جس کا نام عمرو بن یربوع نے سعلاۃ سے شادی کا ذکر کتابوں میں ملتا ہے اور یہ بھی لکھا ہے کہ اس کی اولاد بھی ہوئی تھی ۔ ملکہ سبا بلقیس کے بارےمین بھی بعض لوگ کہتے ہیں کہ اس کی ماں بھی سعلاہ تھی۔